Sunday, September 27, 2009

Peach Cobbler








Oд сите рецепти за десерти во светот, моите најомилени се сите американски. Не затоа што ретко кога не се исклучително вкусни (што не би било вкусно со цел путер и пола кило шеќер - ама ајде), туку затоа што се исклучително едноставни.

Oва е мојот втор, успешен обид со овошното колаче cobbler. Може да употребите скоро било кое овошје, боровинки, јагоди, праски, малини, или мешавина од овошја ...

1 2/3 шољи брашно
3 1/2 лажици шеќер
1 лажица + пола лажиче прашок за печење
2 жолчки од варени јајца (јас ставив една бидејќи мразам варени јајца)
пола путер
2/3 шоља хопла

за овошјето:
6 праски - моите беа мешавина од зрели и полу-зрели
3 лажици јаворов сируп или мед, или шеќер
малку мушкатно оревче и малку цимет

Измешајте ги сите состојки за тестото, прво со вилушка па потоа со рака. Излупете ги праските. Јас ги полив моите праски со жешка вода, па потоа ги ставив во ладна неколку минути. Пола од праските лесно се излупија поради жешката вода, пола не.

Исечете ги праските на мали парчиња и измешајте ги со циметот, оревчето и сирупот. Од тестото направете 6 (или ако тавчето ви е поголемо - 8 ) топки и ставете ги врз овошјето. Намачкајте го тестото со една лажица хопла. Печете го во рерна загрена на 180 степени околу 40 - 45 минути. И јадете го со сладолед од ванила, или пудинг или шлаг.

Маја

Share/Bookmark

Saturday, September 26, 2009

Бифтек на скара и други вкусни нешта...





Со закаснување од неколку месеци (тука летото заврши веќе) купивме мала скара за една употреба - јаглен во кутија направена од метална фолија и мала решетка одозгора и на првиот ден без дожд ја инсталиравме на нашиот мал балкон.

Двата бифтека ги зачинив со малку сол и бибер и ги намачкав со маслиново масло. Бифтекот на скара се печеше 5 минути од едната и 7 минути од другата страна. Беше крцкав од надвор и малку розов, мек и сочен внатре. Следниот пат би го оставила пократко на скарата за да биде порозов.

2 пченки, варени во мешавина од млеко и вода, ги јадевме со путер, сол и бибер.

Црвени компири варени со лушпа, и изгмечени со малку павлака, путер, сол и бибер.

Карамелизираниот кромид, го пржев со малку зејтин на многу јака температура, со постојано мешање, околу 5 минути додека не се карамелизира.

Caesar Salad - зелена салата, croutons од бел леб исечен на коцки, полиен со малку маслиново масло и потпечен во рерна дур не се зарумени, прелив од мајонез, лимунов сок, една ронка сенф и 1 изгмечено лукче, сол, бибер и на крај ситно изрендан пармезан. (мојот прелив не беше автентичен за Ceasar Salad - ама беше сличен на оргиналниот и подеднакво вкусен).

Маја


Share/Bookmark

Wednesday, September 23, 2009

Пилешки стек на тостер




пилешко бело месо, ставете да се маринира неколку часа во малку зејтин и вегета (а можете да купите и веќе маринирано). потоа (или пред маринирањето) до пола засечете го на страната каде што е најдебело, отворете го и стевете го врз алуминиумска фолија на загреан тостер на средно. печете го 10тина минути и одвреме-навреме ѕиркајте до каде е. а откако ќе го извадите стекот, на тостерот можете да ставите парчиња леб да се запечат и да попримат од мирисот.

компирчињата на сликата се пржени во еден слој на малку зејтин, прво од едната страна, да се заруменат, па од другата.
Share/Bookmark

Sunday, September 20, 2009

Динстани моркови



1 kg моркови, на кругчиња
1 кромид, ситно исецкан
сол
вегета

испржете го кромидот на кратко во загреан зејтин, додадете ги морковите, сол, вегета и една чаша вода (може и течност од супа). покријте ги со капак и оставете ги на тивко околу 30 минути. ако треба може да се додаде уште вода.
Share/Bookmark

Thursday, September 17, 2009

Пандишпан со овошје и пудинг



пандишпан во парчиња (се продава во некои самопослуги во кеси од кило)
овошје (праски, банани, јагоди...)
1 пудинг
2-3 лажици некое слатко или мармалад

во некој стаклен сад или пластична кутија (идејата е садот да има вертикални и високи ѕидови) наредете парчиња од пандишпанот во еден слој, па сецканото овошје, па една лажица слатко, па сипете пола или третина од пудингот и потоа пак тесто, овошје, слатко, пудинг. можете вака да направите 2 или три слоја, во зависност од големината на садот и количините. оставете го садот во фрижидер најмалку 2-3 саата и потоа можете да го јадете благото, ама сепак повкусно е следниот ден.

ова на сликата е комбинација од пудинг од ванила, праски и слатко од капини. добра комбинација е и пудинг од чоколадо, јагоди и слатко од јагоди, а бананите одат со сè. можете да употребите кое сакате овошје, вкус на пудинг и слатко.
Share/Bookmark

Monday, September 14, 2009

Салата со боранија и пченка




рецепт земен и прилагоден од списанието Woman's Day, август 1999

1/2 kg боранија, исчистена и исечена на половинки или третинки
2 пченки или 2 шољи замрзната пченка
сол, бибер
балсамик оцет
сенф
свеж магдонос, исецкан

боранијата ставете ја во вода што врие во која сте ставиле малку сол. варете ја 15тина минути или додека не омекне малку, ама не скроз да се свари.
јас ја направив салатата со свежа пченка, дека ја има сега на пазар, ама само се измачив да ја исчистам и да ги одвојам зрната, па потоа варењето траеше долго и на крајот мислам дека и вкусот на салатата би бил подобар ако се стави замрзната. на замрзнатата пченка и е потребно само неколку минути да се свари во зовриена вода со малку сол.
исцедете ги боранијата и пченката, помешајте ги во сад за салата, додадете им го магдоносот и преливот кој најлесно се прави ако во мала тегличка со капак ги ставите солта, биберот, оцетот и сенфот и силно ја протресете тегличката додека сè не се измеша убаво.
Share/Bookmark

Thursday, September 10, 2009

Tart tatin со патлиџани (Tomato tart tatin)







670 g патлиџани, исечени на пола
4 лажици маслиново масло
сол, бибер
свеж босилок

за тестото:
225 g обично брашно
25 g пченкарно брашно
100 g маргарин, ладен
25 g рендан пармезан
1 јајце

измешајте ги патлиџаните со маслиновото масло, солта и биберот и наредете ги во тавче со пречник од 25 cm на кое му се вади дното. јас ги пополнив празнините помеѓу половинките со парченца патлиџан. посипете ги патлиџаните со ливчињата босилок.

за тестото: помешајте ги двете брашна, па со прсти вмешајте го во нив маргаринот додека не добиете нешто како трошки. додадете го пармезанот, па направете дупка во срдината и ставете го јајцето и малку ладна вода колку да се добие меко тесто.

исукајте го тестото на малку побрашнета површина да се добие круг со пречник од 28 cm и ставете го врз патлиџаните, а краевите подбутнете ги околу патлиџаните во тавчето.

печете ја питава (не знам кој збор повеќе одговара, пита или погача, или некој друг, како превод за Tart Tatin) во загреана рерна на 180°C околу 50 минути. извадете ја од рерна и оставете ја десетина минути да се олади, а потоа превртете ја на тањир за послужување. се јаде и топла и ладна.
Share/Bookmark

Tuesday, September 8, 2009

Bhindi bhajee (пржени бамји)


околу 300 gr бамји
4 средни патлиџани или една конзерва цели лупени патлиџани
1 кромид
1 лажиче цели зрна кумин
2 лукчиња, ситно исецкани
луто пиперче, ситно исецкано
пола лажиче куркума (турмерик)
пола лажиче гарам масала
сол, бибер

патлиџаните исечени на пола и измешани со малку маслиново масло, сол и бибер ставете ги во тавче со ребресто дно, со исечената страна надолу и печете ги околу 40 минути во рерна, негде на пола еднаш промешајте ги. потоа извадете им ја лушпата.
кромидот исечен на кришки испржете го малку да се зарумени, па додадете му го куминот и другите зачини, лукчето, пиперчето, бамјите и сол. пржете го тоа уште малку па ставете ги излупените патлиџани или конзервата патлиџани. оставете го на тивко околу 20 минути со повремено мешање. ако стане многу суво додајте малку вода.
Share/Bookmark

Tuesday, September 1, 2009

Fruit crumble



за тестото:
225 g брашно (може во тие 225 g да има разни брашна, дел да бидат мелени ораси, лешници или бадеми, може да се стави мелен ѓумбир, овесни снегулки... јас ставив обично брашно + малку мелени бисквити + околу 40 g кокосово брашно + топчиња од карамела)
115 g путер, ладен
90 g шеќер

за овошјето:
455 g овошје (јас ставив само праски, ама може да се стави и некое друго обошје или комбинација овошја, смокви, јаболки, капини, кајсии, рибизли, сливи, малини, круши, портокал, суво грозје, карамелизиран ѓумбир, бадеми...)
3 лажици шеќер (или мед)
некој зачин (може да се стави или не, јас ставив едно лажиче пимент)

брашното (и другите брашнести состојки, ако се ставаат) се меша со шеќерот и путерот, со раце, да се добие нешто како трошки.
овошјето, измиено и исчистено (јас ги оставив лушпите на праските, беа вкусни) се сецка ако е покрупно и се става во тавче, се посипува со шеќер, па со трошките и се пече на 200°C околу пола саат.
Share/Bookmark