Погача со спанаќ

1 шоља обично брашно
2 шољи пченкарно брашно
3 јајца
1 шоља млеко
пола шоља зејтин
пола шоља кисела вода
1 прашок за пециво
малку сол
околу 300 gr. спанаќ
сусам или ленено семе за посипување

Сите состојки освен спанаќот се мутат со миксер, па се додава спанаќот, измиен, исцеден, исчистен и крупно исецкан и се промешува со лажица. Сето тоа се сипува во округло тавче со пречник околу 28 cm подмачкано со маргарин и се посипува со сусам или ленено семе или лупен сончоглед или семки. Се пече во загреана рерна на 220°C околу 35 минути.
Наместо спанаќ, може да не се стави ништо, или да се стави здробено сирење, пропржен праз, мелено месо, саламче...

Погача со спанаќ

Непечена овошна торта

200 ml хопла, онаа без шеќер
4 шољи сецкано разно суво овошје (суви кајсии, сливи, смокви, грозје, урми, ананас, папаја, брусница...)
2 шољи истолчени O'cake колачи
по пола лажиче цимет, морско оревче, пимент, каранфилче

сè се меша, се става во тавче или пластична кутија и треба да отстои на ладно најмалку една недела. може да се стават и сецкани бадеми, лешници, ореви.

финта: ако имате суви кајсии кои станале тврди, лесно ќе омекнат ако ги сварите кратко во малку сок од портокал.

Непечена овошна торта

Лахмаџун

Рецептот за лахмаџун е едноставен. Одете во Галерија 7 во Турска чаршија.

Лахмаџун

Ќуфтиња од спанаќ

1 кг спанаќ или коприва или блитва
1 јајце
50 гр рендано сирење
2-3 лукчиња, смачкани
2 лажици презла
сол, бибер
малку маслиново масло
брашно, јајце и презла за валкање

спанаќот се вари кратко во малку вода, се цеди убаво и се сецка ситно :-). потоа му се додаваат сите други состојки освен оние за валкање. може да се додаде уште презла ако е смесата влажна. се прават ќуфтиња кои се валкаат прво во брашно, па јајце, па презла и се пржат од двете страни.

Ќуфтиња од спанаќ

Колаче со банани (Banana bread)

Ова колаче е добар начин да се искористат презреани меки банани. Значи:

3 зрели банани, смачкани или само исечени на парчиња ако се многу меки
125 g маргарин
1 шоља шеќер
2 јајца
2 шољи брашно
1 прашок за пециво
1 ванилин шеќер

Прво би требало да се изматат маргаринот и шеќерот, па да се додадат останатите состојки, една по една, ама јас ставам во вангла и матам со миксер сè одеднаш. Полесно и побрзо е, а се добива истото колаче. Може да се додаде шоља секцани ореви, лешници или чоколадо. Се пече во подмачкано тавче во загреана рерна на 150°C, околу 30-40 минути или во тавче за мафини на истата температура, само пократко време.

Колаче со банани (Banana bread)

Салата од грав

една шоља сварен и исцеден грав
пола краставица, исечена на четвртинки кругчиња
маслиново масло
сок од лимон
сол, бибер
тостиран сусам
2-3 истолчени лукчиња
една лажица павлака
една лажица мајонез
една лажица соја сос
многу магдонос

сè се меша и се јаде одма.

Салата од грав

Cherry Pie

тесто:
250 gr (2 и 1/4 шољи) брашно, може да се измеша обично бело со интегрално пченично, 'ржано...)
1 лажица сода бикарбона
175 gr маргарин, на собна температура
3-5 лажици вода
1-2 лажици шеќер (по желба)

фил:
300-500 gr замрзнати вишни без семки, одмрзнати и исцедени
3-5 лажици шеќер

Во вангла се мешаат брашното и содата и шеќерот (ако ставате), се додава маргаринот и се меша прво со вилушка па со раце, и на крај се додава водата и се меси додека не се поврзе се во една смеса. тестото се остава на ладно околу пола саат, а потоа 2/3 од него се натапкуваат на дното и страните на округло тавче со пречник од 22 cm, или некое со слична големина, па се става филот, па останатото тесто. се пече во загреана рерна на 200°C околу пола саат.

Оваа пита може да се направи и со некое друго овошје, боровинки, капини, рибизли....

Cherry Pie