Лепче со спанаќ и сирење / Spinach and feta bread

scroll down for the recipe in english

можеби изгледа вонземјански дека зелено, ама лепчево е многу меко и вкусно.
рецепт од тука.

200-300 gr исчистен спанаќ
1/2 шоља јогурт
2 шољи брашно
1/2 шоља сончогледово масло
3 јајца
1/2 шоља здробено сирење
1 лажичка сол
1 кесичка прашок за пециво

ставете ги спанаќот и јогуртот во блендер и изблендирајте ги убаво. 
изматете ги јајцата со солта додека не станат светли и кремасти. додадете ги маслото, спанаќот и сирењето и измешајте сé со лажица. додадете ги брашното и прашокот за пециво и повторно измешајте со лажица.
истурете го тестото во тавче подмачкано со маргарин. моето е со димензии 25 x 11 x 7 cm, ама може да употребите какво сакате со приближен волумен. печете го лепчете во претходно загреана рерна на 180°C околу 45 минути или додека не е целосно испечено. проверете со боцнување со чачкалица, бидејќи времето на печење може да варира за различни тавчиња.
убаво е и топло и ладно, а може и да стои 2-3 дена завиткано во проѕирна фолија.

this green bread might look alien-ish to you, but it's very moist and soft and tasty.
recipe from here.

200-300 gr spinach, leaves picked and washed
1/2 cup yoghurt
2 cups all-purpose flour
1/2 cup sunflower oil
3 eggs
1/2 cup white cheese or feta cheese, crumbled
1 teaspoon salt
1 tablespoon baking powder

blend spinach and yoghurt in a blender.
beat the eggs with the salt in a mixing bowl until pale and creamy. add oil, spinach puree and cheese to eggs and mix with a spoon. add flour and baking powder to this mixture and mix with a spoon again.
pour the mixture in a greased baking pan. mine is 25 x 11 x 7 cm, but you can use any shape with similar volume. bake in a preheated oven at 180°C for 45 minutes. baking time might vary with different pan shapes and ovens. check with a knife or wooden toothpick.
this bread is great warm and cold, and it can keep for 2-3 days, wrapped in cellophane wrap.

Лепче со спанаќ и сирење / Spinach and feta bread

Затворени пици со спанаќ / Spinach calzones

ок, доста беа варени јајца. мислам дека сите изедовме доволно.
еве еден рецепт за затворени пици со спанаќ, прилагоден од овде, а рецептот за тестото земен од овде. беа многу, многу вкусни. малку подолго се прават, поради чекањето тестото да нарасне, па затоа решив да ги правам во викенд и беа готови точно за ручек.

за 3 затворени пици:
фил:
1 шоља урда
1 шоља рендан кашкавал
1/2 kg спанаќ, измиен, исчистен и грубо исечен
црн бибер
1 лажица хопла
6 парчиња сланина

тесто:
1 кесичка сув квасец
1/2 шоља топла вода
1 1/2 шоља брашно (имајте при рака уште 1/4 шоља брашно, во случај да треба да му додадете на тестото)
1 јајце
1 лажица маслиново масло
1 1/2 лажичка сол

помешајте го квасецот со топлата вода и оставете го да отстои 5 минути.
ставете го брашното во поголем сад и додадете му го квасецот, јајцето, маслиновото масло и солта и сето тоа промешајте го, прво со вилушка, па со рака, додека не се оформи меко тесто.
пренесете го тестото на побрашнета маса и месете го полека. ако се лепи многу, додадете малку брашно додека не стане мазно. месете полека околу 3-5 минути.
намачкајте си ги рацете со зејтин и премачкајте ја топката тесто, па ставете ја во сад исто така премачкан со зејтин. покријте го садот со кеса, па оставете го на топло тестото да нарасне дупло, околу еден саат или нешто повеќе.

во меѓувреме, додека тестото расте, помешајте ги урдата, кашкавалот, спанаќот, хоплата и малку црн бибер.
поделете го тестото на 3 дела (јас направив 3 затворени пици бидејќи бевме тројца, и по една ваква пица ни беше доволна за ручек). развлечете го секој дел на побрашнета маса во круг со пречник од околу 20 cm. на едната половина од кругот ставете по две парчиња сланина, па третина од филот со спанаќ. свиткајте ја другата половина од кругот и притиснете ги краевите да се залепат, па премачкајте ги со зејтин. ставете ги врз хартија за печење или фолија во најголемото тавче од рерната и печете ги во загреана рерна на 200°C од 12 до 15 минути.

for 3 calzones:

filling:
1 cup ricotta
1 cup grated cheese
1/2 kg spinach, washed and roughly choped
black pepper
1 tablespoon cream
6 slices bacon

pizza dough:
1 package active dry yeast
1/2 cup warm water
1 1/2 all-purpose flour (set aside another 1/4 cup in case you need to work in a bit more)
1 egg
1 tablespoon olive oil
1 1/2 teaspoon salt

Stir together yeast and warm water in a small bowl and let stand about 5 minutes.
Put 1 1/2 cups flour in a large bowl, then make a well in center and add yeast mixture, the egg, oil and salt and mix first with a fork and then with your hand, gradually incorporating flour until a soft dough forms. Transfer dough to a floured surface and knead slowly. If you need additional flour, you have set aside your 1/4 and may add to dough, as necessary, until the dough is smooth, around 3-5 minutes. Oil your hands and coat the ball of dough you have now created. Transfer dough to an oiled bowl and cover with plastic wrap, letting it rise in a draft-free place at warm room temperature until doubled, 1 to 1 1/2 hours.

meanwhile, in a large bowl, combine the ricotta, cheese, spinach, cream and pepper.
divide the dough into 3 equal portions and roll and stretch them into 20 cm rounds. layer the bacon on one side of each round of dough and top with the spinach mixture. fold the dough over the filling and pinch the edges to seal. brush the tops of the calzones with oil. transfer to a parchment-lined baking sheet and bake in a preheated oven at 200°C until golden, 12 to 15 minutes.

Затворени пици со спанаќ / Spinach calzones

Зелено чудо фрапе ...... Green monster

Ние во холандскиот штаб на Ситно Сецкано многу сакаме да јадеме кременадли, кобасици, ќофтиња, и разни други вкусни нешта, ама повремено се трудиме да јадеме и понешто здраво, за да можат фамерките сеуште да не соберат....

Ова е едно од тие поздрави рецепти (а истовремено и посен рецепт). Идејата ја добив од тука. Ова фрапе воопшто нема вкус на спанаќ и после него ќе се чувствувате освежени и препородени. Јас го пијам наместо појадок, а понекогаш наместо вечера. Иако оргиналното име на фрапево на англиски е Зелено чудовиште, јас решив да го наречам Зелено чудо, поради сите здрави и добри нешта во него.

1 банана

3-4 шаки свеж измиен спанаќ

пола чаша ладно соино млеко (или обично) - може да додате и цела чаша, ама пола е демек подиетално

1 лажица ленено семе

пола лажиче путер од кикирики (или 2-3 оревчиња или бадеми)

Изблендирајте ги сите состојки во блендер, или како јас, изблендирајте ги во бокал со мал рачен блендер дур не добиетe фрапе без грутки. Ако фрапето е многу густо, додајте 2 -4 лажици вода.

At the Dutch HQ of Sitno Seckano, we love eating porkchops, meatballs, sausages and other tasty things, but from time to time we also try to eat something green and healthy. I got the idea here. This delicious sweet smoothie does not taste like spinach one bit. And it's vegan ! I drink it in place of breakfast and sometimes in place of dinner.

1 banana

3 -4 handfulls washed fresh spinach

half cup soy milk (or regular) - or you can put in up to a cup of soy or regular milk - but then it has more calories

1 tablespoon flax seeds

half teaspoon peanut butter (or 2-3 walnuts or almonds)

Blend everything until smooth, add couple of tablespoons water if too thick. Enjoy and feel healthy !

Зелено чудо фрапе ...... Green monster

Погача со спанаќ

1 шоља обично брашно
2 шољи пченкарно брашно
3 јајца
1 шоља млеко
пола шоља зејтин
пола шоља кисела вода
1 прашок за пециво
малку сол
околу 300 gr. спанаќ
сусам или ленено семе за посипување

Сите состојки освен спанаќот се мутат со миксер, па се додава спанаќот, измиен, исцеден, исчистен и крупно исецкан и се промешува со лажица. Сето тоа се сипува во округло тавче со пречник околу 28 cm подмачкано со маргарин и се посипува со сусам или ленено семе или лупен сончоглед или семки. Се пече во загреана рерна на 220°C околу 35 минути.
Наместо спанаќ, може да не се стави ништо, или да се стави здробено сирење, пропржен праз, мелено месо, саламче...

Погача со спанаќ

Ќуфтиња од спанаќ

1 кг спанаќ или коприва или блитва
1 јајце
50 гр рендано сирење
2-3 лукчиња, смачкани
2 лажици презла
сол, бибер
малку маслиново масло
брашно, јајце и презла за валкање

спанаќот се вари кратко во малку вода, се цеди убаво и се сецка ситно :-). потоа му се додаваат сите други состојки освен оние за валкање. може да се додаде уште презла ако е смесата влажна. се прават ќуфтиња кои се валкаат прво во брашно, па јајце, па презла и се пржат од двете страни.

Ќуфтиња од спанаќ