Лепче со спанаќ и сирење / Spinach and feta bread

scroll down for the recipe in english

можеби изгледа вонземјански дека зелено, ама лепчево е многу меко и вкусно.
рецепт од тука.

200-300 gr исчистен спанаќ
1/2 шоља јогурт
2 шољи брашно
1/2 шоља сончогледово масло
3 јајца
1/2 шоља здробено сирење
1 лажичка сол
1 кесичка прашок за пециво

ставете ги спанаќот и јогуртот во блендер и изблендирајте ги убаво. 
изматете ги јајцата со солта додека не станат светли и кремасти. додадете ги маслото, спанаќот и сирењето и измешајте сé со лажица. додадете ги брашното и прашокот за пециво и повторно измешајте со лажица.
истурете го тестото во тавче подмачкано со маргарин. моето е со димензии 25 x 11 x 7 cm, ама може да употребите какво сакате со приближен волумен. печете го лепчете во претходно загреана рерна на 180°C околу 45 минути или додека не е целосно испечено. проверете со боцнување со чачкалица, бидејќи времето на печење може да варира за различни тавчиња.
убаво е и топло и ладно, а може и да стои 2-3 дена завиткано во проѕирна фолија.

this green bread might look alien-ish to you, but it's very moist and soft and tasty.
recipe from here.

200-300 gr spinach, leaves picked and washed
1/2 cup yoghurt
2 cups all-purpose flour
1/2 cup sunflower oil
3 eggs
1/2 cup white cheese or feta cheese, crumbled
1 teaspoon salt
1 tablespoon baking powder

blend spinach and yoghurt in a blender.
beat the eggs with the salt in a mixing bowl until pale and creamy. add oil, spinach puree and cheese to eggs and mix with a spoon. add flour and baking powder to this mixture and mix with a spoon again.
pour the mixture in a greased baking pan. mine is 25 x 11 x 7 cm, but you can use any shape with similar volume. bake in a preheated oven at 180°C for 45 minutes. baking time might vary with different pan shapes and ovens. check with a knife or wooden toothpick.
this bread is great warm and cold, and it can keep for 2-3 days, wrapped in cellophane wrap.

Лепче со спанаќ и сирење / Spinach and feta bread

Мини гибаници / Mini gibanicas

scroll down for the recipe in english

пред некое време ги видов овие слатки мали гибанички на блогот на кате, diethood, и си реков морам да ги направам. ја памтите чоколадната пита на кате? со кора од мелени бадеми? и неа морам да ја направам некој ден.

многу се едноставни и вкусни. рецептот е ист како рецептот за гибаница на даниел, само со една разлика: корите се сечат на ленти и се мешаат со филот.

6 јајца
200 g сирење
100 ml зејтин
300 ml кисела вода
500 g свежи кори

исечете ги корите на ленти од околу 1-2 cm. измешајте ги во еден сад сите други состојки, додадете ги корите и убаво промешајте, да не остане негде залепено купче кори. тавче за мафини намачкајте со зејтин па наполнете ги чашките со смесата скоро до горе. печете ја гибаничките во незагреана рерна на 220°C околу 25-30 минути.
од оваа количина на смеса излегуваат 12 мали и две поголеми гибаници.

when i saw these cute little phyllo dough stuffed cheese puffs on kate's blog diethood, i knew right away i had to make them. you remember kate's chocolate pie? with almond crust? i have to make it some day, too.

these are really easy to make. the recipe is the same as daniel's scrunched gibanica, but here the phyllo dough is cut in strips and mixed with the filling.


6 eggs
200 g feta cheese
100 ml oil
300 ml sparkling water
500 g phyllo dough

cut the phyllo dough in 1-2 cm wide strips. mix the other ingredients, add the phyllo strips and stir everything so that the strips are well incorporated and there are no big clumps of dough stuck together. oil a muffin tin and fill the cups with the mixture. bake the cheese puffs at 220°C for 25-30 minutes.
this amount of ingredients is enough for 12 small and two bigger gibanicas.

Мини гибаници / Mini gibanicas

Ricotta Gnocchi... Њоки од рикота...

Scroll down to the bottom of this post for the recipe in English.

Кога се подготвував да си направам рикота дома, на ум ми беше само еден рецепт за да ја искористам: Њоки од рикота. Иако никогаш не сум јадела вакви њоки во ресторан, сакав да ги пробам и ги замислував лесни, меки, со прекрасен вкус. И рецептов излезе одлично. Дури и самата себе си се изненадив колку беше вкусно јадењево.

Еве го рецептов по кој јас ги направив. Ако не сакате да правите рикота дома, или нема кај да ја купите, можете да пробате со свежа, не солена урда (рецептов сама не сум го пробала со урда ама мислам дека ќе успее).

Еве го рецептот за домашна рикота.


за двајца (мене ми излегоа 36 њоки):
~ 200 гр. рикота
1 јајце
85 гр. брашно + уште малку за масата на која ќе ги обликувате
~ 50 гр. свежо изрендан пармезан (изрендан на најситно)
1/2 лажиче сол




Во посуда со лажица измешајте ги сите состојки. Кога мешавината ќе стане топка, ставете ја на работната површина посеана со додатно брашно, и полека и нежно измесете ја дур не добиете мазно тесто. Не го месете премногу тестото, оставете го да биде лесно и дури малку лепливо. Поделете го тестото на 4 дела, па од секој дел направете долгнавеста форма, околу 2 сантиметра во дијаметар, попрскајте уште малку брашно и со нож исечете ги њоките, отприлика 1.5см широки. Точната голема не е толку важна, важно е да бидат во отприлика иста големина. Оформените њоки ставете ги на чинија или послужавник попрскан со брашно.






За да ги сварите њоките, ставете вода во поголемо тенџере и зовријте ја. Кога ќе почне да врие, на средна температура, нежно пуштете ги њоките една по една во водата. Варете ги на два пати за да не се залепат една со друга во тенџерето. Не мешајте, освен еднаш за да се осигурате дека не се залепени на дното од тенџерето. Кога њоките ќе испливаат на површина, значи дека се готови и можете да ги извадите.

Јас ги сварив њоките истиот ден кога ги направив. Можете да ги чувате неварени во фрижидер 1 ден, но најверојатно не повеќе од тоа.

Еве го сосот со кој јас ги јадев.



За двајца:
2 лажици маслиново масло
2 лукчиња, ситно исецкани
околу 15 мали патлиџанчиња, или 4-5 средни, или 2-3 големи, доста зрели
сол
свеж босилок, испокинат со раце
неколку лажици рендан пармезан

Загрејте го маслото во тавче, додајте ги исецканите домати и лукчето. Пржете ги само околу 5 минути, додајте сол, додајте ги варените њоки и измешајте. Додајте го босилокот. Сосов е готов многу бргу. Пренесете ги њоките и сосот во чинија и врз нив ставете пармезан. Беше неверојатно вкусно и многу лесно за правење! Уживајте !




Ricotta gnocchi with a simple tomato sauce

When I decided to make e homemade ricotta, I had only one recipe on my mind in which to use it: Ricotta Gnocchi. I’ve never had this type of gnocchi before, but I just imagined they would taste amazing and they sure did. And it was a really simple recipe too. came together in about 30-40 min from start to finish including making the gnocchi and the sauce.

For 2 people:
~ 1 cup homemade or store-bought ricotta (~ 200 gr.)
1 egg
3/4 cup all-purpose flour (85 gr.) + more for the surface
1/2 teaspoon salt
1/2 cup freshly finely grated parmesan (~ 50 gr.)

Mix all the ingredients on a bowl with a spoon until the mixture forms into a ball. Tip the ball onto a floured surface and knead very very lightly until the dough looks smooth, but be careful not to overwork the dough. Cut the dough into 4 parts and form each part into a long shape, about 3/4 inch wide, and using a knife cut the gnocchi into little pillows. Transfer the gnocchi onto a floured plate. You can make them right away or store in the fridge for a day.

To boil the gnocchi, bring to boil a lot of water in a big pot. Drop the gnocchi one by one. You will have to cook them in 2 batches in order to avoid them sticking together. Don’t stir the water, except once to make sure they are not sticking to the bottom. Once they rise to the surface, they are cooked ! Drain with a slotted spoon.

For the sauce for 2 people:
2 tablespoons olive oil
2 cloves garlic
~ 15 cherry tomatoes or 4-5 medium ones, chopped (the cherry tomatoes halved)
salt
a handful of fresh, torn basil
few tablespoons freshly grated parmesan

Heat the oil in a pan, add the tomatoes and cook for only about 5 min, on medium heat. Season with salt, add the cooked gnocchi and the basil. Stir and transfer to a plate. Top with lots of parmesan. Enjoy ! This was a fantastic delicious plate of food !

Ricotta Gnocchi... Њоки од рикота...

Домашна Рикота .... Homemade ricotta

scroll down for the recipe in English

Сирење, во било која форма и тип, е едно од моите омилени јадења. Одамна се подготвувам да направам домашна рикота – италијанско кремасто сирење. Најдов разни рецептни и сите изгледаа доста едноставно. Рикотата беше успешна – иако сфатив дека е во суштина – урда и дека ако не ви се прави сами дома, слободно во рецепти можете да ја замените со купечка урда.

Јас рикотата ја искористив за да направам домашни њоки од рикота кои беа прекрасни и многу многу вкусни. Рецептот за нив за ден – два.

За околу 200 гр. рикота:

1 литар полно масно млеко (за најдобри резултати користете свежо млеко, кое не се вари – го има во Тинекс и Веро. Можете да ја направите и со тетрапак млеко, ама свежото е подобро)

4 лажици лимунов сок, или бел вински оцет (јас ја направив со сок од лимон)

1/4 лажиче сол

Ставете го млекото, сокот од лимон или оцетот и солта во тенџере. На среден оган, оставете го млекото да дојде до зовривање, па намалете ја температурата малку. Оставете го така, 2-3 минути. Ќе забележите дека млекото почнува да се згрутчува. Не го мешајте (јас го измешав и ги испокршив големите грутки така). Тргнете го тенџерето од оган, и оставете го на страна минута или две. За тоа време, спремете цедалка врз поголем сад, а во цедалката ставете дупло здиплена газа (од аптека). Истурете го млекото врз газата внимателно, и оставете го да се исцеди. За отприлика половина час во цедалката ќе остане сирењето. Со лажица префрлете го во посуда и чувајте го во фрижидер. Јас рикотата ја направив еден ден, а ја употребив следниот за њоките. Искористете ја брзо бидејќи нема да трае долго. Ми беше жал да ја фрлам водата која се исцеди од сирењето, ама не можев да смислам како би ја искористила. Ако имате идеја, оставете кометар !

I’ve been meaning to make homemade ricotta for ages. I found many recipes online and they all looked very simple. The ricotta turned out great. But I realized this homemade ricotta is pretty much the same as a sort of soft cheese widely available in Macedonia called urda. So for all the Macedonians, feel free to substitute urda in any recipe requiring ricotta.

for about a cup of ricotta (~ 200 gr):

4 cups whole milk (1 liter)

4 tablespoons lemon juice or white wine vinegar

1/4 teaspoon salt

Mix all the ingredients in a big pot. Bring the milk to boil over medium heat. Lower the heat and let it sit there for 2-3 minutes. You will see the curds form. Don’t mix. I did, and it sort of ruined the bigger curds which were formed. Remove from heat and let sit for a minute or 2. In the meantime, set a cheese cloth over a colander, set over a bowl. Pour the milk over the cheese cloth and let it strain. In about half an hour the ricotta will be in the cheese cloth and the whey will be all drained in the bowl. Transfer the ricotta to a bowl and keep refrigerated. I made in one day and used it the next day to make ricotta gnocchi which were amazingly delicious. The recipe for those coming in a day or 2.

Use the ricotta fairly soon as it will not keep fresh for long. If you have any ideas how to use the whey please leave a comment. I felt bad about throwing it out, but I could not think of any ways to use it. Enjoy !

Домашна Рикота .... Homemade ricotta

Солени пченкарни мафини / Corn muffins

scroll down for the recipe in english

за 12 мафини:
1 шоља сенаменско брашно
3/4 шоља пченкарно брашно
1 лажиче сода бикарбона
1/2 лажиче прашок за пециво
1/2 лажиче сол
2 јајца
1-2 лажици мед
1 шоља млеко
1 шоља издробено сирење или рендан кашкавал

изматете ги сите состојки освен сирењето со миксер. додадете го сирењето, измешајте со лажица, па сипете го тестото во калапи за мафини и печете ги мафините на 200°C околу 15 минути.

медот може воопшто да не го ставате, бидејќи со него се по малку благи и на некого може тоа да не му допаѓа. ама мене ми се поубави со мед. ги имам правено и без мед и тогаш како нешто да недостасува во вкусот. 

for 12 muffins:

1 cup all-purpose flour
3/4 cup corn flour
1 teaspoon baking soda
1/2 teaspoon baking powder
1/2 teaspoon salt
2 eggs
1-2 tablespoons honey
1 cup milk
1 cup crumbled feta cheese or grated cheddar cheese

whisk all the ingredients, exept the cheese, with an electric mixer. add the cheese and stir with a spoon. pour in muffin cups and bake at 200°C around 15 minutes.

you can skip the honey and make the muffins without it, becauce it adds a little sweetness to the taste and some people don't like that. i have tried the muffins without the honey and for me something is missing in the taste without it, so i prefer them with the honey.
 

Солени пченкарни мафини / Corn muffins

Сирење во фурна / Cheese fondue

еве го рецептот за "сиренцето".

ви треба (за двајца):
1 лукче, исчистено и исечено на пола
250 gr фета, ние ја преферираме сомборската
2-3 лажици кечап, ние ставивме домашен
свежо мелен црн бибер
парче мешано сирење
парче кашкавал

за лепчето:
1-2 замрзнати теста за пица
1 изматена жолчка
сусам

намачкајте го дното на еден земјен сад со исеченото лукче, ставете ја фетата и издробете ја со вилушка, прекријте ја со слој од кечап, па измелете малку бибер, (доколку сакате да го збогатите вкусот, сега е моментот да ставите парчиња ситно сецкана сланина или пак свежи печурки),  ставете еден слој од мешаното сирење и на крај доста рендан кашкавал.
ставете го сирењето да се пече во загреана рерна на 200°C околу 15 минути, или додека кашкавалот не се стопи и не се зарумени малку.

тестото за пица, полуодмрзнато, исечете го на дванаестинки, премачкајте го со изматената жолчка и посипете го со сусам. печете го колку што пишува на пакувањето.

here is the recipe for the cheese fondue.

you will need (for two):
1 garlic clove, peeled and cut in half
250 gr feta cheese
2-3 tablespoons ketchup
freshly ground black pepper
a piece of white cheese
a piece of chedar cheese

for the bread:
1-2 frozen pizza crusts
1 egg yolk, whisked
sesam seeds for sprinkling

rub the bottom and sides of a small clay pot with the cut garlic clove, put the feta cheese in the bottom and crumble it with a fork, pour the ketchup, then the black pepper (if you like, now is the time to put chopped bacon or fresh mushrooms), put a layer of white cheese and a lot of grated chedar cheese. 
bake the cheese in a preheated oven at 200°C for around 15 minutes, or until the cheese on top is melted and becomes golden.

cut the pizza crusts, halfthawed, into 12 pieces, brush with the egg yolk, sprinkle with sesame seeds and bake acording to package instructions.

Сирење во фурна / Cheese fondue

Гужвана гибаница / Scrunched gibanica

еве го рецептот за гибаницата која ја правеше Даниел:

6 јајца
200 g сирење
100 ml зејтин
300 ml кисела вода
500 g свежи кори


измешајте ги во еден сад сите состојки освен корите. тавчето намачкајте го со зејтин и ставете една кора. сите други кори, освен една која ќе ја оставите за најгоре, гужвајте ги, потопувајте ги во јајцата и редете ги во тавчето. ние зедовме малку поголемо тавче (34 x 24 cm, или да не речам 9 x 13 инчи), па излезе тамам.
кога ќе ги наредите сите гужвани кори, истурете го остатокот од јајцата врз нив и ставете ја последната кора, во еден слој.
печете ја гибаницата во незагреана рерна на 220°C околу 25-30 минути.


6 eggs
200 g feta cheese
100 ml oil
300 ml sparkling water
500 g phyllo dough

mix all the ingredients, except the phyllo dough. oil a 9x13-inch pan and lay one sheet at the bottom. leave one sheet aside for the top. scrunch all other sheets, one by one, submerse in the egg mixture and put in the pan. pour the remaining egg mixture over the scrunched sheets and cover with the one left sheet. bake the cheese puffs at 220°C for 25-30 minutes.

Гужвана гибаница / Scrunched gibanica

Плескавици од тиквици

3 средни тиквици, изрендани
малку кромид, исецкан
1 лажица копар
2 лажици магдонос
3 јајца
1 лажица црвен пипер
сол, бибер
200 g сирење, издробено или исечено на коцки
1 шоља брашно
1 лажиче fivespice

изренданите тиквици ставете ги во цедалка, посипете ги со сол и оставете ги да се цедат 15 минути. Стиснете ги да се доисцедат и помешајте ги со останатите состојки.
Загрејте малку зејтин во тавче и ставајте од смесата со лажица. пржете ги плескавиците од двете страни додека не се заруменат и исцедете ги од зејтинот на кујнска хартија.

Плескавици од тиквици

Макарони со печен зеленчук и свинско со печурки

за четворица:

2 пиперки
1 среден модар патлиџан
1 тиквица
2 патлиџана
маслиново масло
сол, бибер
неколку парченца исушени патлиџани
рукола
свеж босилок
2 лажици балсамик оцет
2-3 истолчени лукчиња
здробено сирење
500 gr интегрални макарони (или обични)

во големо тавче врз фолија намачкана со малку маслиново масло ставете го зеленчукот исечен на парчиња и помешан со сол, бибер и маслиново масло. се пече во рерна 25 минути со повремено мешање на 230°C.
макароните сварете ги според упатството, исцедете ги и помешајте ги со печениот зеленчук, сувите патлиџани, руколата, босилокот, оцетот, лукчето и сирењето и додадете сол и бибер ако треба.

800 gr свинско месо
вегета
cajun
рузмарин
сенф
истолчено лукче
маслиново масло
малку црно вино
250 gr свежи шампињони

измешајте го месото со зачините и оставете го да се маринира во фрижидер неколку саати. потоа ставете го во тавче, прекријте го со печурките исечени на ливчиња и испечете го во рерна.

Макарони со печен зеленчук и свинско со печурки

Авокадо салата

исецкајте неколку листови зелена салата, еден голем патлиџан и еден мал црвен кромид. ставете им сол, бибер, маслиново масло и балсамик оцет и промешајте. потоа врз сето тоа исецкајте едно авокадо и парче сирење.

Авокадо салата

Салата со модри патлиџани, наут, печени пиперки, сирење и маслинки

1 голем модар патлиџан
1 шоља наут, стоен преку ноќ во вода, варен пола саат и исцеден, или
1 конзерва наут, исцеден
2 црвени пиперки, печени, излупени и исчистени од семки (јас имав вакви замрзнати, ама
можете да употребите и пиперки од тегла)
бело сирење
црни маслинки
оригано
сол
бибер
балсамик оцет
маслиново масло
соја сос
2 лукчиња, истолчени

Модриот патлиџан исечете го по должина на тенки кришки, околу 5 мм дебели. намачкајте ги кришките со малку маслиново масло од двете страни, наредете ги во тавче во еден слој и печете ги во рерна 10тина минути, додека не омекнат во средината и не почнат да се заруменуваат. потоа наредете ги во тањир.

помешајте ги оцетот, соја сосот, лукчето, ориганото, солта и биберот и потоа, цело време мешајќи, полека сипете го маслиновото масло.

ставете ги наутот, исечените пиперки, сирењето исечено или здробено и маслинките во еден сад и прелијте ги со "dressing"-от и сето тоа истурете го врз модрите патлиџани.

Салата со модри патлиџани, наут, печени пиперки, сирење и маслинки