Колаче со банани (Banana bread)

Ова колаче е добар начин да се искористат презреани меки банани. Значи:

3 зрели банани, смачкани или само исечени на парчиња ако се многу меки
125 g маргарин
1 шоља шеќер
2 јајца
2 шољи брашно
1 прашок за пециво
1 ванилин шеќер

Прво би требало да се изматат маргаринот и шеќерот, па да се додадат останатите состојки, една по една, ама јас ставам во вангла и матам со миксер сè одеднаш. Полесно и побрзо е, а се добива истото колаче. Може да се додаде шоља секцани ореви, лешници или чоколадо. Се пече во подмачкано тавче во загреана рерна на 150°C, околу 30-40 минути или во тавче за мафини на истата температура, само пократко време.

Колаче со банани (Banana bread)

Салата од грав

една шоља сварен и исцеден грав
пола краставица, исечена на четвртинки кругчиња
маслиново масло
сок од лимон
сол, бибер
тостиран сусам
2-3 истолчени лукчиња
една лажица павлака
една лажица мајонез
една лажица соја сос
многу магдонос

сè се меша и се јаде одма.

Салата од грав

Cherry Pie

тесто:
250 gr (2 и 1/4 шољи) брашно, може да се измеша обично бело со интегрално пченично, 'ржано...)
1 лажица сода бикарбона
175 gr маргарин, на собна температура
3-5 лажици вода
1-2 лажици шеќер (по желба)

фил:
300-500 gr замрзнати вишни без семки, одмрзнати и исцедени
3-5 лажици шеќер

Во вангла се мешаат брашното и содата и шеќерот (ако ставате), се додава маргаринот и се меша прво со вилушка па со раце, и на крај се додава водата и се меси додека не се поврзе се во една смеса. тестото се остава на ладно околу пола саат, а потоа 2/3 од него се натапкуваат на дното и страните на округло тавче со пречник од 22 cm, или некое со слична големина, па се става филот, па останатото тесто. се пече во загреана рерна на 200°C околу пола саат.

Оваа пита може да се направи и со некое друго овошје, боровинки, капини, рибизли....

Cherry Pie

Колачи со ореви

300 гр брашно
1 лажиче прашок за пециво
100 гр мелени ореви или 100 гр пченични никулци
125 гр шеќер
1 кесичка ванилин шеќер
200 гр омекнат маргарин или путер
1 жолчка

Брашното се меша со прашокот за пециво, па со останатите состојки. Добиеното тесто се остава да стои еден саат, а потоа се развлекува на побрашнета површина до дебелина од околу 3 mm, се сечат колачи во разни форми и се печат на мрсна хартија или на фолија околу 9 min. на 180°C. Излегуваат околу 100 колачи. Овие на сликата се правени со пченични никулци наместо ореви + малку млеко, затоа што никулците го прават тестото посуво.

Колачи со ореви

Пита со мед

тесто:

225 gr интегрално брашно (пченично, 'ржано, какво сакате)
100 gr омекнат маргарин
4 лажици ладна вода

фил:
50 gr кокосово брашно
50 gr мусли
50 gr суво грозје
3 лажици мед
2 лажици маџун (гроздов шеќер)
малку млеко ако е смесата многу сува

Брашното прво се меша со маргаринот, па со водата. Од тестото, две третини се ставаат во тенок слој (3-5 mm) на дното и на страните на округло тавче со пречник околу 20 cm, подмачкано со маргарин. Потоа сипете го филот, а од остатокот од тестото направете ленти и топчиња и украсете ја питата. Нив можете да ги премачкате со разматено јајце.

Се пече во загреана рерна на 200°C околу 20 минути.

Пита со мед