Плескавици од тиквици

3 средни тиквици, изрендани
малку кромид, исецкан
1 лажица копар
2 лажици магдонос
3 јајца
1 лажица црвен пипер
сол, бибер
200 g сирење, издробено или исечено на коцки
1 шоља брашно
1 лажиче fivespice

изренданите тиквици ставете ги во цедалка, посипете ги со сол и оставете ги да се цедат 15 минути. Стиснете ги да се доисцедат и помешајте ги со останатите состојки.
Загрејте малку зејтин во тавче и ставајте од смесата со лажица. пржете ги плескавиците од двете страни додека не се заруменат и исцедете ги од зејтинот на кујнска хартија.

Плескавици од тиквици

Парадајз чорба

1 кромид
неколку моркови
џус од патлиџани или неколку свежи патлиџани или (според мене најдобра варијанта) неколку цели замрзнати патлиџани ( за 1l вода треба 4 патлиџани)
вегета
сол
еден компир или малку фиде
свеж магдонос

испржете го кромидот на кратко, додадете ги морковите исечени на кругчиња и пржете ги со кромидот 1-2 минути, па ставете вода, вегета, сол и изрендајте ги замрзнатите патлиџани.
ако ставате компири (исечени на коцки), ставете ги во водата пред патлиџаните, а по неколку минути варење ставете ги и патлиџаните. оставете да се вари на тивко додека не се сварат компирите. на крај ставете доста свеж магдонос.

Парадајз чорба

Салата со чадена јагула

Се вари компир и се сече на коцки со големина на залак.
Се вари леќа во вода, без сол.
Се остава да се оладат компирите и леќата.
Во мал сад се меша отприлика 2 лажици сенф, 2-3 лажици зејтин, бибер, многу малку мед, 3 лукчиња истолчени, сол и многу вински, не балсамик, оцет (околу пола чаша).
Се мешаат исецкан кромид, леќата, компирите, исецкана чадена јагула и исцедена и ситно исецкана кисела зелка.
Се поливаат со сосот и пак се мешаат. Се јаде и се ужива.

Маја

П.С. Оваа салата има многу состојки кои мирисаат доста јако. Не е препорачлива за романтични вечери.

Салата со чадена јагула

Макарони со печен зеленчук и свинско со печурки

за четворица:

2 пиперки
1 среден модар патлиџан
1 тиквица
2 патлиџана
маслиново масло
сол, бибер
неколку парченца исушени патлиџани
рукола
свеж босилок
2 лажици балсамик оцет
2-3 истолчени лукчиња
здробено сирење
500 gr интегрални макарони (или обични)

во големо тавче врз фолија намачкана со малку маслиново масло ставете го зеленчукот исечен на парчиња и помешан со сол, бибер и маслиново масло. се пече во рерна 25 минути со повремено мешање на 230°C.
макароните сварете ги според упатството, исцедете ги и помешајте ги со печениот зеленчук, сувите патлиџани, руколата, босилокот, оцетот, лукчето и сирењето и додадете сол и бибер ако треба.

800 gr свинско месо
вегета
cajun
рузмарин
сенф
истолчено лукче
маслиново масло
малку црно вино
250 gr свежи шампињони

измешајте го месото со зачините и оставете го да се маринира во фрижидер неколку саати. потоа ставете го во тавче, прекријте го со печурките исечени на ливчиња и испечете го во рерна.

Макарони со печен зеленчук и свинско со печурки

Пржен ориз (Fried rice)

Се вари басмати ориз, во двојно повеќе вода и се лади веднаш во тенок слој на послужавник или големо тавче. Кога ќе се олади се става во фрижидер преку ноќ. Читав на неколку страници на интернет дека ако не се олади и остави преку ноќ сварениот ориз, зрната ќе се лепат и нема да биде убаво.
Во вок или голема тава се пржи еден кромид, ситно исецкан, 2 пиперки, ситено исецкани, морков на мали коцки и сланина на мали коцки, додека кромидот не се испржи добро.
Во мал сад се мешаат 1-2 лажици соја сос и 1 лажица сос од риба (fish sauce или oyster sauce).
Варениот ориз се додава на пржениот зеленчук и се меша веднаш. Се додаваат и замрзната пченка и грашок и сол. Бидејќи има доста ориз, не може само со соја сос да се добие вистинскиот вкус, па се става и сол и на крај се полева со соја сосот и се меша додека сите зрна не се обојат.

Maja

Пржен ориз (Fried rice)

Кускус со зеленчук

1 шоља наут, оставен во вода преку ноќ, или една конзерва
1 кромид, ситно исецкан
1 стапче цимет
1 помал модар патлиџан, исечен на коцки
2 моркова, исечени на кругчиња
2 помали компира, исечени на коцки
1/4 лажиче пимент
3 лажички Хариса
1 помала тиквичка, исечена на коцки
1 зрел патлиџан, на парчиња
сол, бибер
свеж магдонос

ставете го кромидот да се пржи на тивко заедно со стапчето цимет, додека кромидот не омекне. потоа додадете ги модриот патлиџан, морковите и компирите и оставете ги да се пржат на тивко, поклопени, околу 10 минути, со повремено мешање. додајте ги пиментот, харисата, една чаша жешка вода, наутот, тиквицата, патлиџанот, сол и бибер. повторно поклопете го тенџерето и оставете ги да се готват уште 15тина минути. магдоносот додадете го на крајот, откако ќе го тргнете тенџерето од шпорет.
кускусот направете го според упатството на кутијата.

Кускус со зеленчук

Копани инспирирани од Јамајка и Сиера Леоне

десетина пилешки копани
1-2 лути пиперки (полута подобро - јас ставив Scotch Bonnet pepper)
3 лажици путер од кикирики
2 лажици зејтин
4 лукчиња
сол и бибер

Копаните прво се варат. Од сите останати состојки се прави смеса во блендер и оладените копани се премачкуваат со неа и се ставаат во фрижидер да се маринираат преку ноќ или неколку саати. Потоа се печат во рерна на многу јако, додека не се заруменат.

Маја

Копани инспирирани од Јамајка и Сиера Леоне

Пржени тиквици

измијте ја тиквицата и исечете ја на кругчиња. испржете ги кругчињата на средно загреан зејтин од двете страни (не мора да ги направите волку црни како мене). наредете ги во плиток тањир, ставете сол, ситно исецкано лукче, магдонос и балсамик оцет.

Пржени тиквици

Vapiano

Dinner at Vapiano Pasta & Pizza Bar.
On the menu:
Antipasti - Vitello tonnato (beefcarpaccio, tunamayonaise, kappers)
Pasta:
Salsiccia con fichi (spicy Italian sausage, fresh figs, tomato sauce)
Rucola ravioli (rucola-ricotta-ravioli, butter, pine nuts)
Pizza:
Calzone (ham, spicy Italian sausage, artichokes, mushrooms, onions, olives, tomatoes, mozzarella)
Toscana (spicy Italian sausage, olives, fresh herbs, tomatoes, mozzarella)
Dolci:
Panna cotta (delicious blend of vanilla and cream topped with strawberry sauce)
Crema di fragola (fresh strawberries served with a blend of mascarpone and fresh cream)

Vapiano

Pimm's Cup

pimms + parche limon + mnogu sprajt + mraz

Pimm's Cup

Авокадо салата

исецкајте неколку листови зелена салата, еден голем патлиџан и еден мал црвен кромид. ставете им сол, бибер, маслиново масло и балсамик оцет и промешајте. потоа врз сето тоа исецкајте едно авокадо и парче сирење.

Авокадо салата

Gipu's Sierra Leonean Groundnut stew

6 full tbs groundnut or peanut paste (or peanut butter) mix with water and stir to liquid
2 tbs tomato paste
2 maggi cubes
1 kg chicken diced
seasoning for the chicken: black pepper, garlic minced, cayen pepper, crushed red pepper flakes, salt
green beans
carrots
zucchini
1 big onion

season the chicken and boil it in water, then put the onion to boil for a few minutes, then salt, maggi cubes, stir and leave it to boil for 2-3 minutes, then put the groundnut and tomato paste to boil 5 minutes, then the vegetables. stir and leave to boil until the vegetables are cooked.
serve with steamed rice.

Gipu's Sierra Leonean Groundnut stew

Мелено месо на индиски начин (Keema matar)

рецепт земен од Madhur Jaffrey's Quick & Easy Indian Cooking.

за 2јца:

1 помал кромид
парче свеж ѓумбир долго 5 cm* (или лажичка мелен ѓумбир)
4-5 чешниња лукче
пола лажиче лут црвен пипер
1 лажиче кумин
1 лажиче коријандер
пола лажиче турмерик или 1/4 лажиче шафран
1 патлиџан, исецкан
1/4 шоља јогурт
300 gr мелено месо
1 лажиче сол
2 лажички гарам масала
2 лажици сок од лимон
1 мала свежа лута пиперка или неколку суви чили пиперчиња
многу свеж магдонос
1 шоља замрзнат грашок и морков

кромидот, лукчето и ѓумбирот треба да бидат многу ситно исецкани. ставете ги да се пржат на средно загреан зејтин, со постојано мешање, додека малку не се заруменат.
тогаш додајте ги црвениот пипер, киминот, коријандерот и турмерикот. кратко промешајте, па ставете ги јогуртот и патлиџанот и мешајте постојано, на јако, додека патлиџанот не омекне.
додајте ги меленото месо, солта и гарам масалата. мешајте уште неколку минути, да се разбијат грутките од месото, сипете една чаша вода, ставете капак на тавчето, намалете ја јачината на шпоретот и оставете да се крчка околу 20 минути.
потоа додајте ги грашокот и морковите и пиперките и оставете да се свари грашокот и да подиспари водата.
се јаде со индиско лепче или ориз или варени компири.

Мелено месо на индиски начин (Keema matar)